Ярминкәләргә йөрисезме?

Шушы өч көндә, ягъни бүген һәм ялларда республиканың 34 район-шәһәрендә көзге ярминкәләр үтәчәк.

Авыл хуҗалыгы ярминкәләрендә бакчаларда үстерелгән сыйфатлы яшелчә-җимеш һәм башка төр продукция сатуга чыгарылачак.

Барлыгы 52 мәйдан эшләячәк. Аларның адреслары белән Сәүдә һәм хезмәтләр министрлыгының сайтында түбәндәге сылтама аша танышырга мөмкин: по ссылке.

Әгәр сез дә үзегез үстергән продукцияне сатарга теләсәгез, әлеге сылтама аша үтеп, үзегезне кызыксындырган районны табарга кирәк булачак. Аннары, анда күрсәтелгән номерга шалтыратасы кала.