Тәмле чара

«Каравансарай» сәүдә комплексында ел саен уздырыла торган аш-су тамашасы быел да күңелле үтте. Рестораторларны һәм яшь эшкуарларны берләштергән HoReCa индустриясе вәкилләренең  Идел буендагы иң зур азык-төлек фестиваленә 110 меңгә якын кеше килгән.
Фестиваль гастрономик яктан да, күңел ачу ягыннан да елдан-ел зуррак масштабта оештырыла бара. Фестиваль кысаларында пешекчеләр дөньяның төрле кухняларын, балалар һәм өлкәннәр өчен осталык дәресләре, яңа ризыклар һәм эчемлекләр тәкъдим итәләр. Башкортстанның Кумертау балалар йорты файдасына хәйрия аукционнары үткәрәләр.