Хезмәттәшлекне үстерү -төп максат

Алар төбәк белән фонд арасында хезмәттәшлекне үстерү, Башкортстан территориясендә перспективалы проектларны тормышка ашыру турында сөйләште. Фикер алышуда республика Хөкүмәте әгъзалары, министрлыклар һәм ведомстволар җитәкчеләре, шулай ук "Стратегик эшләнмәләр үзәге" экспертлары катнашты.

- Сезнең йөзегездә ышанычлы партнёр күрәбез. Башкортстанда "Стратегик эшләнмәләр үзәге" бар. Мондый структуралар Русия Федерациясенең һәр субъектында булырга тиеш, дип саныйм, - диде Радий Хәбиров. - Перспективалы юнәлешләр арасында - пилотсыз авиация кластерын һәм басма аддитив микроэлектроника үзәген булдыру. "Стратегик эшләнмәләр үзәге" белән без шулай ук Башкортстанда Махсус административ районны билгеләргә планлаштырабыз.
Стратегик эшләнмәләр үзәге президенты Владислав Онищенко Башкортстан белән хезмәттәшлекнең нәтиҗәлелеген югары бәяләде.
- Русиянең бер генә төбәге белән дә без сезнең кебек тыгыз хезмәттәшлек итмибез. Бу без республика үсеше өчен эшли торган тәкъдимнәрне уңышлы тормышка ашырырга ярдәм итәргә тиеш, - диде Владислав Онищенко. - Икътисадның һәм социаль өлкәнең төрле өлкәләрендә кайбер стратегик проектларны эшләтеп җибәрү өчен сездә яхшы нигез бар.
Очрашуда катнашучылар хезмәттәшлекнең төп юнәлешләрен карады. Узган ял көннәрендә аларны Нуриман районында "Стратегик эшләнмәләр үзәге" командасы катнашлыгында "Кыю чишелешләр. Башкортстанның икътисади үсеше" күчмә стратегик сессиядә тикшерделәр. Сүз республиканың транспорт системасын модернизацияләү, хезмәт җитештерүчәнлеген арттыру, Агыйдел буенда ирекле икътисади территория булдыру, инвесторларны җәлеп итү процессын камилләштерү, туризм һәм эшкуарлыкны үстерү турында бара.