Хәрби хәрәкәт инвалидларын хәстәрләп

“Бердәм Русия” партиясе депутатлары һәм сенаторлары Бөек Ватан сугышы, блокадалы Ленинград, камаудагы Севастополь, аннан соң махсус хәрби операцияләрдә катнашкан ветераннар һәм башка категория хәрби хәрәкәт инвалидларына өстәмә ярдәм чаралары турында закон проекты тәкъдим итте.

Санап кителгән категория гражданнары социаль хезмәтләрне бушка алыр дип фаразлана. Мондый практика аерым төбәкләрдә (мәсәлән, Архангель, Белгород, Владимир, Волгоград, Иваново, Ленинград өлкәләрендә, Мәскәү шәһәрендә, Татарстан республикасында һ.б.)  моңарчы да кулланылган. Хәзер бөтен илдә булыр дип күзаллана.