Алар республиканың төп байлыгын булдырган

  Бүген Башкортстан Башлыгы Радий Хәбиров Нефть һәм газ сәнәгате хезмәткәрләре көненә багышланган тантаналы чарада катнашты.

«Нефть, газ һәм ягулык сәнәгате хезмәткәрләре көне – Башкортстан өчен төп бәйрәмнәрнең берсе. 90 ел элек Ишембай районында нефть яткылыгы ачылгач, илебезнң ягулык-энергетика комплексын үстерүдә «Башкортстан» этабы башланды. Һөнәри бәйрәм алдыннан ветераннарыбызга олы рәхмәтемне һәм тирән ихтирамымны белдерәм. Сез республикабызның төп байлыгын булдырдыгыз, –  диде Радий Хәбиров. – «Башнефть» – республиканың көчле, төп партнеры, без аның белән ышанычлы һәм конструктив мөнәсәбәт кордык. Компания республикада төп салым түләүче булып тора».  

Башкортстан Башлыгы «Башнефть» компаниясенең фәнни-техник казанышларын да билгеләде һәм аның социаль программасының нәтиҗәлелеген югары бәяләде. Компаниянең иң яхшы хезмәткәрләренә дәүләт бүләкләрен тапшырды.