Импорт даруларга бәйлелек кимер

“Ковид чикләүләре вакытында Башкортстан импорт поставкаларга бәйлелекне киметү буенча зур тәҗрибә туплады.

2020 елда без 5,5 млн күптапкыр кулланмалы битлекләр һәм 1 млн саклану костюмнары тектек.

Медпромда безнең яхшы практика бар, фарминдустриядә дә импорт алыштыру практикасы киң җәелеш ала. Төбәктә эшләнүче фармпордукциянең 95 процетын ике эре предприятие  - “Иммунопрепарат НПП “Макроген” филиалы һәм ОАО “Фармстандарт-УфаВИТ” эшли.

Власть һәм бизнес бергә санкция чикләүләрен җиңә алачак, медицина өлкәсендә сәнәгать җитештерүне үсештерергә тәэмин итә алачак”, - дип язды Башкортстан Хөкүмәте премьер-министры Андрей Назаров телеграм каналында.