Тагын бер бәйрәм өстәлде

Русия Президенты Владимир Путин яңа бәйрәм – Гаилә, мәхәббәт һәм тугрылык көне турында указга кул куйды. Бәйрәм 8 июльдә билгеләнә.
Бу дата гаилә кыйммәтләрен саклау һәм балаларга, яшьләргә рухи-әхлакый тәрбия бирү максатында булдырылган.

Башкортстанда исә  Гаилә, мәхәббәт һәм тугрылык көне 2019 елдан алып зурлап үткәрелә. Бөре шәһәренең Свято-Троицкий кафедраль собор мәйданында “Петр һәм Феврония курчалавында гаилә, мәхәббәт һәм тугрылык көне” гаилә фестивале үтә анда. Бу көнне Радий Хәбиров гаиләләргә дәүләт һәм иҗтимагый бүләкләр тапшыра.