Бүген төнен салкын булачак

Быелгы җәй җылы көннәре белән сөендерергә ашыкмый. Алай гына да түгел, хәтта суыклары белән куркыта.

Башгидрометүзәк мәгълүматы буенча, 29 июньдә республикада урыны белән салкын җил исәчәк, аның тизлеге секундына 15 метрга җитәчәк.

Таулы районнарда, һавада һәм җир өстендә температура 0, -2 градуска кадәр түбәнәеп, кырау төшүе ихтимал, дип кисәтәләр Гадәттән тыш хәлләр министрлыгының Башкортстан буенча идарәсеннән.