Төркиягә очабызмы?

Быелгы җәй җылы көннәре белән сөендерергә ашыкмый. Шуңа мөмкинлекләре булганнар диңгез якларына юл ала башлады.

Бу уңайдан яхшы хәбәр килеп иреште: Башкортстаннан Төркиягә авиаочышлар санын арттыралар.

Уфа аэропортының матбугат хезмәте хәбәр итүенчә, 100 пассажирга исәпләнгән SSJ-100 очкычы атнасына ике тапкыр – дүшәмбе һәм җомга көннәрендә башкаладан Төркиягә юлланачак.

Киләчәктә бу программаны атнасына 5 тапкырга кадәр киңәйтү карала.

Исегезгә төшерәбез, Уфадан Стамбулга беренче даими рейс 10 июньнән йөри башлады.