Nike кибетләре ябыла

Уфада Nike компаниясенең ике кибете ябыла.

Билгеле булуынча, Nike – Американың спорт өчен өс һәм аяк киеме җитештерү компаниясе. Ул Русия базарыннан китүен игълан итте.

“Башинформ” мәгълүмат агентлыгы хәбәр итүенчә, “Мега” сәүдә үзәгендә урнашкан кибет эшчәнлеге алдагы атнадан туктаячак. Ә “Планета” сәүдә үзәгендәгесе сатып алучыларны 16 июльгә кадәр кабул итәчәк.

Шулай булгач, әлеге фирма киемнәрен кияргә яратучыларның кием-салым сатып алып калырга вакыты бар әле.