Яңа елда ничә көн ял итәрбез?

Арбаны – кыш, чананы җәй әзерлә, дигәндәй, хәзердән үк яңа ел бәйрәмнәре турында кайгырта башлаганнар.

2023 елда Яңа ел бәйрәмнәре, 31 декабрьдән 8 гыйнварга кадәр дәвам итеп, 9 көн булачак, дип хәбәр итәләр илнең Хезмәт министрлыгыннан.

“2022 елда 31 декабрь шимбәгә туры килгәнлектән, бу көн дә ял булачак”, – диләр.

Ә якшәмбегә туры килгән 1нче һәм 8нче гыйнвар көннәре 24нче февральгә һәм 8нче мартка күчерелә.