Барлык яңалыклар
Яңалыклар
20 июнь , 14:33

Яңа килешү зур мөмкинлекләр ача

Уфада транспорт бәйләнешен шактый яхшыртачак проектны эшләүгә керешәләр

Яңа килешү зур мөмкинлекләр ача
Яңа килешү зур мөмкинлекләр ача

Перебург халыкара икътисадый форумында БР Хөкүмәте Dars Development  комапниясе белән меморандумга кул куйды. Бу килешү башкаланың мөһим инфраструктура проектына - ике күпер күчешенә старт бирә. Алар Агыйдел аръягының перспектив территорияләрен Уфа үзәге белән тоташтырачак, аларга транспорт белән барып җитү мөмкинлеген сизелерлек яхшыртачак.
- Бу - бик җитди инфраструктура проекты, ул шәһәр территорияләрен үстерүгә ярдәм итәчәк һәм Уфада транспорт хәлен шактый яхшыртачак. Берничә елга кушылган урында урнашкан шәһәребез өчен бу бик мөһим, - диде транспорт һәм юл хуҗалыгы министры Александр Булушев. - Проектны гамәлгә ашыру өчен киләчәктә федераль финанслауны җәлеп итү өчен проект-смета документациясен эшләү кирәк. Кул куелган меморандум нигезендә, аны эшләүне финанс белән тәэмин итүне Dars Development компаниясе үз өстенә ала. Компания Уфаның Ленин районында "Табигать шәһәре" торак комплексы төзи инде. Бу - бизнес белән дәүләт арасындагы хезмәттәшлекнең яхшы үрнәге. Документлар никадәр тизрәк һәм сыйфатлырак әзерләнсә, безнең федераль ярдәм алуга заявкабыз да шулкадәр җитдирәк һәм перспективалырак булачак.
- Без республика Хөкүмәтенә ышаныч белдергәннәре, үзара файдалы башлангычта партнерлар булу мөмкинлеге өчен рәхмәтле, - ди Dars Development җитәческе Дмитрий Рябов.
Төзелешне башлау - 2024 елга, аны эшләтеп җибәрү 2027 елга планлаштырыла.

Автор:Ибрагимова Эльмира
Читайте нас в