Тунель еру эшләре төгәлләнде

Уфадан Көнчыгыш чыгу юлындагы Төньяк тунелне еру эшләре төгәлләнде. Эшләр вакытыннан бер ай алдан үтәлгән.

Объект Салават Юлаев проспектыннан Караидел елгасына кадәр үтәдән-үтә ерылган. Бу исә арытаба эшләрне үтәү өчен материаллар һәм корылмалар ташу, шулай ук токымнар ташу эшләрен җиңеләйтәчәк.
Ел башыннан алып төзелештә 3,5 млрд. сумлык эш башкарылган. Төньяк тунелне бетонлаштыру эшләрен 2023 ел ахырына кадәр тамамлау күзаллана. Бүген исә Көнчыгыш яклап чыгу юлы эше 49 процентка үтәлгән. Төзелештә 2,5 мең кеше катнаша.