1 көнгә артыграк ял итәбез

Корбан-бәйрәмне билгеләү  сәбәпле  июльдә республика халкын өстәмә ял көтә. Бу хакта төбәкнең Хезмәт һәм халыкны социаль яклау министрлыгында хәбәр итәләр.

Быел Корбан-бәйрәм  шимбә  9 июльгә туры килә. Шулай итеп, дүшәмбе 11 июль көнне ял итәчәкбез. 8 июльдә, җомга көнне эш көне бер сәгатькә кыскарачак.

Ислам диненең төп тантаналарының берсе – Корбан-бәйрәм  Рамазан ае тәмамланып 70 көн узгач билгеләнә.

Корбан-бәйрәмне рәсми рәвештә Адыгея, Башкортстан, Ингушетия, Кабарды-Балкар, Карачай-Черкес, Татарстан һәм Чечняда билгелиләр. 

Чыганак: bashinform.ru