Быел 4 миллион кунак ягъни турист көтә Башкортстан

Халык гореф-гадәтләренә һәм милли аш-суларына аерым игътибар тууы күзәтелә.
Эксперт фикеренә караганда, Свердловск, Чиләбе һәм Нижегород өлкәләреннән 2-3 көнгә туристлар агымы хасил булачак. Үзәк федераль округ һәм башка ераграк төбәкләрдән килүчеләр 5-7 көнлек озак вакытлы маршрутларны сайлыйлар. Туристларга милли гореф -гадәтләр белән аш-су бергә үрелгән төпкел авыл маршрутлары кызыклы.
"Ростуризм" исә майдан сентябрьгә кадәр 31 миллионнан артык турист ил буенча сәяхәт кылачак дип белдерә. Русия һәм аның төбәкләре буенча сәяхәтләр зур сорау белән файдалана.
Башкортстан Республикасы исә туристларны традицион рәвештә бай, гүзәл табигате һәм милли колориты үзенә җәлеп итә. Республика кабатланмас табигать объектлары, тарих, сәнгать һәм мәдәният һәйкәлләре белән данлыклы.
Менә һичшиксез барып күрергә кирәк булган 5 урын:
Торатау - Җир йөзендәге иң борынгы тауларның берсе. Ишембай районында урнашкан уникаль табигый һәйкәлнең яше 300 миллион елдан артып китә.
Уралның күпкатлы таш мәгарәләренең берсе булган Шүлгәнташ ташка уеп төшерелгән борынгы рәсемнәргә һәм палеолитның мәдәни катламына ия.
Туймазы районында урнашкан Кандракүл Европаның урман-дала зонасындагы иң зур күлләрнең берсеннән санала.
Күгәрчен районында Морадым тарлавыгы Уралның иң бай тәэсир калдыручы мәгарә комплексларның берсе.
Нөгеш - Көньяк Урал итәгендәге кеше кулы тудырган сусаклагыч, Башкортстандагы популяр ял урыннарының берсе.

Фото: oir.mobi