Май бәйрәмнәре якынлаша!

Яз һәм хезмәт бәйрәме, Җиңү көне уңаеннан биш көнлек эш атнасында 30 апрель, 1, 2, 3, 4 һәм 7, 8, 9, 10 май ял һәм бәйрәм көннәре булып тора. 29 апрельдә һәм 6 майда эш көне кыскартылмый.

«Алты көнлек эш атнасында 1, 2, 3 һәм 8, 9, 10 май — ял көннәре. (1 май ялга туры килү сәбәпле 2 майга күчерелә, ә 3 май – 1 гыйнварның шимбәсеннән калды. Шулай ук 2 гыйнварның якшәмбе ялы 10 майга күчерелде). Ураза бәйрәме ял көненә, 2 майга, туры килә. Шуңа күрә 2 майдагы ял көне 4 майга күчерелә», — дип белдерделәр БР Хезмәт министрлыгында. 
Еллык төп яки өстәмә түләүле отпуск бирелгәндә 1, 2 һәм 9 майдагы бәйрәм көннәре отпускның календарь көннәренә кертелми.