Апрель дәррәү килмәкче...

Бу ял көннәрендә һәм алдагы атна башында республика территориясендә Урта диңгез циклоны өстенлек итәчәк. Циклон республика районнарына явым-төшемнәр китерәчәк. Нигездә яңгыр явачак, бүген төньяк районнарда көчле яңгыр явуы көтелә. Көньяктан килгән җылы һава агымы нәтиҗәсендә 3 апрельдә һава температурасы 0, +5, көндез +7, +12 градуска кадәр күтәреләчәк. Бу - нормадан 4 - 6 градуска югарырак. Карның ныклап эрүе күзәтеләчәк, бу исә үзәнлекләрне кар суы басачак дигән сүз.
Дала елгалары 5 - 13 апрельдә боздан арчыла башлаячак, аның иң көчле чагы 7-15 апрельгә туры киләчәк. Елгалар боздан арчылганда боз бөкеләре хасыйл булуы, моның торак пунктларын су басуына китерүе мөмкин.