Ата-аналар да БДИ тапшыра

Бүген Республика белән идарә итү үзәгеннән БСТ телеканалының “Сәләм” тапшыруына 100нче туры бәйләнеш узды. Тапшыруда БР мәгариф һәм фән министры урынбасары Илдар Мәүлетбирдин чыгарылыш имтиханнары турында сөйләде. 
Бердәм дәүләт имтиханы – дулкынландыргыч вакыйга. Өстәвенә, гамәлдә күренүенчә, әти-әниләр чыгарылыш сыйныф укучыларына караганда күбрәк дулкынлана. Балалар өчен “ярдәм төркеме” булу урынына, алар ирексездән хәлне куерта һәм тагын да зур стресс тудыра. 
Хәлне төзәтү өчен 26 мартта Уфада “Ата-аналар тарафыннан БДИ тапшыру көне” Бөтенрусия акциясе узачак. Чара бишенче тапкыр үткәрелә. Өлкәннәр өчен имтихан процедурасы укучылар өчен ничек оештырылса, бу очракта да нәкъ шулай үтә: теркәлү, металл эзләгеч аша үтү, телефоннарны һәм шәхси әйберләрне тапшыру... Быел ата-аналар өчен БДИга база дәрәҗәсендәге математика буенча биремнәр әзерләгән. Иң мөһиме – паника булмасын! 
Башкортстанда Бердәм дәүләт имтиханы мәсьәләләре буенча кайнар линия эшли: 8 (347) 218-03-81, 8 (347) 218-03-28. 
#ЦУРБашкортостан #Салям