Зөһрә Рәхмәтуллина – яңа вазифада

18 ноябрьдә Русия фәннәр академиясенең Уфа федераль тикшеренү үзәгенең Тарих, тел һәм әдәбият институты директоры алмашынды. Әлеге вазифага күпчелек тавыш белән Зөһрә Рәхмәтуллина сайланды. Рәсми тәгаенләү дүшәмбе булачак.

Зөһрә Рәхмәтуллина – фәлсәфә фәннәре докторы, профессор, Башкортстанның атказанган фән хезмәткәре.

Тарих, тел һәм әдәбият институты республиканың иң өлкән фәнни учреждениесе булып тора. Аның үзенчәлеге шунда – биредә башкорт халкының бай мәдәнияте һәм теле, тарихы һәм этнологиясе буенча тикшеренүләр алып барыла.

2016 елдан әлегә кадәр институтны география фәннәре докторы, профессор Айбулат Псянчин җитәкләде.