Чәчәкләр салынды һәйкәлгә

Күренекле партия һәм дәүләт эшлеклесе, публицист Шаһит Ходайбирдинның тууына 125 ел.
Бүген әлеге датаны искә алып, республика журналистлары Матбугат йорты каршында язучы, дәүләт һәм җәмәгать эшлеклесе Шаһит Ходайбирдин һәйкәленә чәчәкләр салды.

Чарада БР Язучылар берлеге рәисе Вәдүт Исхаков, “Республика Башкортстан” нәшрият йорты медиа-директоры Айнар Байбулатов, гәзит һәм журналларның баш мөхәррирләре һәм хәбәрчеләре катнашты.

Шаһит Әхмәт улы Ходайбирдин нибары 28 ел яшәгән. Әмма аның исеме республика тарихына зур хәрефләр белән язылган. Ул бик катлаулы тарихи чорда яшәгән һәм иҗат иткән.