Белорет районында кар яуган

Гадәттән тыш хәлләр буенча дәүләт комитеты республикада  төнлә кырау төшүен һәм көчле җил чыгуын кисәтә. Җил тизлеге соңгы тәүлектә секундына 16 метрга кадәр җитәчәк.

Башкортстанның гидрометеорология һәм тирә-як мохитне мониторинглау  идарәсе мәгълүматлары буенча, 29 сентябрьгә каршы төндә төбәк территориясендә һавада һәм туфрак өстендә кырау төшүе көтелә, һава температурасы –  -1, -6°. Көндез термометр баганалары +4, +9°ка кадәр күтәреләчәк.

“Юлларда иртән урыны белән томан төшәчәк,  күренүчәнлек 500-1000 метр тәшкил итәчәк, көнчыгыш районнарда төнлә һәм иртән юлларда бозлавык хасил булуы бар”, – диләр Гадәттән тыш хәлләр министрлыгының төбәк матбугат хезмәтендә.

Исегезгә төшерәбез, 27 сентябрь кичендә Белорет районында кар яуды. Күп кенә водительләр, моңа әзер булмыйча, шактый кыенлыклар кичергән. 

Чыганак: bashinform.ru