Иртән торуга кыш җиткән...

Башгидромет мәгълүматлары буенча, көн дәвамында республикада карлы яңгыр явуы фаразлана, аерым районнарда агач ботакларына һәм тимерчыбыкларга җепшек кар сыруы көтелә.

Җил көньяк-көнбатыштан, көнбатыштан уртача тизлектә исәчәк, көндез көчәючән.

Һава температурасы көндез +6 ... +11 градус җылы тәшкил итәчәк.

Һава торышы бозылуын ЮХХДИдә дә кисәттеләр.

“Күпләп яуган җепшек кар транспорт хәрәкәтен катлауландыра. Юлларда урыны-урыны белән бозлавык барлыкка килә. Барлык водительләрдән һәм җәяүлеләрдән бу апрель иртәсендә игътибарлы булуларын сорыйм. Җитди ихтыяҗ булмаган чакта өйдән чыкмагыз, руль артына утырмагыз һәм үзизоляция режимын бозмагыз”, — дип язды республиканың ЮХХДИ идарәсе начальнигы Динар Гыйльметдинов.

Алдагы ике көндә җылытачак.