Кинәт җылытачак

Уфада кисәк кенә җылытачак. Әйткәндәй, кичә генә башкалабызда салкын һава торышы күзәтелсә, бүген термометр баганалары акрынлап күтәрелә башлаячак.

Синоптиклар фаразлары буенча, бүген, 9 апрельдә, һава температурасы 13 градуска кадәр күтәреләчәк. Төнлә дә чагыштырмача җылы булмакчы — +7 градус.

Мондый җылы һава торышы ким дигәндә атна ахырына кадәр дәвам итәчәк. Ял көннәрендә, мисал өчен, Уфада һава температурасы +11... +13 тәшкил итәчәк, төнлә -0... +6 градус. Шулай ук синоптиклар яңгырлар да вәгъдә итә. Койма яңгырлар фаразланмаса да, кыска вакытлы яңгырлар явачак.