“Кировец”лар кайтачак

Башкортстанның Авыл хуҗалыгы министрлыгы “Питербург трактор заводы” белән килешү төзеде.

9-10 октябрьдә Мәскәүдә үткән Халыкара агросәнәгать форумы кысаларында төзелгән бу килешүгә ярашлы, республикага “Кировец” тракторлары һәм запас частьләр кайтарылачак. Килешү шулай ук сервис хезмәтләндерүне дә күз уңында тота. Башкортстанда заводның рәсми дилеры булып “Башсельхозтехника” предприятиесе тора.

Елына 100-120 данә “Кировец” сатып алу күз уңында тотыла. Федераль һәм республика бюджетлары ярдәме ПТЗ тракторларын 20 процентлы скидка белән сатып алу мөмкинлеге бирәчәк.