Мәктәпләр нигә яна?

Агымдагы елның 8 аенда, 200 дән артык мәктәптә янгын чыккан.

Бу турыда, Хөкүмәтнең гадәттән тыш хәлләр буенча комиссиясе утырышында бәян ителде.

Русиянең Гадәттән тыш хәлләр министры урынбасары Игорь Кобзев: “Киләчәктә безнең инспекторлар мәктәпләрдә, балалар бакчаларында, җәйге ял лагерьларында еш “кунак” булачак”,- дип, чыгыш ясады. Шул ук чыгышында, вакытында барлык объектларны тикшерергә инспекторлар җитешмәвен дә әйтеп үтте.

Тикшеренүләр күрсәтүенчә, янгыннар күп очракта, автоматлаштырылган янгын сүндерү системасының сафтан чыгуына бәйле.