Ялларда нинди һава торышы булачак?

Синоптиклар җәйнең беренче ял көннәрендәге һава торышына фаразлар бирде.

Яңгырлар яуса да, уфалыларны эссе көннәр көтә. Шимбә, 1 июнь көнне һава температурасы +27 градуска кадәр күтәреләчәк. Төнлә 19 градус җылылык көтелә. Кыска вакытлы яңгыр яварга мөмкин.

Якшәмбе, 2 июнь көнне ул кадәр эссе булмавы ихтимал. Термометр баганалары көндез +22... +24 һәм төнлә +12... +14 градус җылылык күрсәтәчәк дип вәгъдә итә синоптиклар. Явым-төшем көтелми. Көне буе аяз һәм коры булмакчы.