Яңгырлар туктап торачак

Уфада һава торышы һаман яңгырлы һәм салкынча кала бирә. Ераккарак алып куйган курткаларны да яңадан алып кияргә туры килде, әмма бар да ул кадәр күңелсез түгел әле.

Синоптиклар фаразларын исәпкә алганда, май ахырына кадәр бу атнаның шимбә һәм якшәмбесе бердәнбер кояшлы һәм җылы көннәр булмакчы. Бик эссе булмас диләр гидрометеорология үзәге белгечләре. 25 майда - һава температурасы +12, 26 майда +17 градуска кадәр җылынмакчы. Бу көннәр коры һәм кояшлы булачак дип вәгъдә итәләр. Ә менә дүшәмбе көнне, 27 майдан янә яңгырлар башлана.

Карап карарбыз инде. Синоптиклар фаразлары никадәр чынга туры килер...