22 июньдә башкалабыз Уфаның Ленин исемендәге паркында Бөек Ватан сугышында һәлак булганнарны искә алып, Александр Матросов һәйкәленә чәчәкләр салдылар.
Тантанада почетлы кунаклар – БР буенча Баш федераль инспектор Алексей Касьянов, БР хөкүмәте Премьер-министрының беренче урынбасары Азат Бадранов, Премьер-министры урынбасары Ирек Сәгыйтов, сугыш һәм хезмәт ветераннары, курсантлар һәм юнармеецлар катнашты.
–22 июнь – илебез тарихында иң күңелсез даталарның берсе. Сугыш сынаулары илебез халкының көчен, батырлыгын, геройлыгын, ә иң мөһиме, бердәмлеген күрсәтте. Башкортстаннан 700 меңнән артык хәрбиләр фронтка киткән, аларның 300 меңнән артыгы яу кырларыннан әйләнеп кайтмаган, – дип сүзен башлады Азат Бадранов.
Биредә шулай ук сугыш барган урыннардан эзтабарларның һәлак булган солдатларның табылган шәхси әйберләре һәм документлары туганнарына тапшырылды.