Мәктәптә "Үсеш ноктасы" үзәгендәге санлы лаборатория эшли.

Тәтешле районының Кәлтәй урта мәктәбендә табигый – фәнни һәм технология юнәлешләрен укыту “Үсеш ноктасы” үзәгендә биология фәне укытучысы Лилиана Нигъмәтҗанова санлы лаборатория кулланып эш итә.

Унынчы сыйныфта "Плазмолиз һәм депласмолиз" темасын өйрәнгәндә, суган кабыгын электрон микроскоп ярдәмендә Releon санлы лабораториясе ярдәмендә тикшерелгән. Тикшеренү өчен суган кабыгы, тоз һәм йод кулланылды. Ярым үткәрүчәнлеккә ия булган цитоплазманың суда эрегән матдәләре (тоз) күзәнәкләргә үтеп кермәвен ачыклана. Opитоплазма, эластиклыгы аркасында, контракт вакуолына иярә һәм протопласт күзәнәк стенасыннан аерыла. Аннары гипертоник эремә фильтрланган кәгазь белән каплана һәм 5 минуттан соң суган кабыгы күзәнәкләрендә депласмолиз күзәтелә.

Тикшерү үткәрү нәтиҗәсендә күзәнәк мембранасы ярым үткәргеч булуы, су үтәргә мөмкинлек бирүе, әмма андагы матдәләр эрергә ирек бирмәве ачыклана. Плазмолиз һәм депласмолиз тере үсемлек күзәнәкләрендә генә күзәтелә, чөнки аларда көчле күзәнәк тышлыклары бар. Укучылар "Үсеш ноктасы" җиһазлары ярдәмендә күзәнәкнең ачык сурәтен күрүгә ирешәләр. Моңа кадәр аны электрон микроскоп ярдәмендә генә күрә алганнар.

Дәрес ахырында, укучылар "Плазмолиз һәм депласмолиз" темасына БДИ биремнәрен чишкәннәр.

“Заманча мәктәп” төбәк проекты Владимир Путинның май указлары белән билгеләнгән “Мәгариф” милли проекты эченә керә һәм уңышлы тормышка ашырыла.

Чыганак: Тәтешле районы хакимияте