“Башта ышанмый тордык”

Бүген “Рәхмәт-2024” акциясендә җиңүчеләргә бүләкләр тапшырдылар.

Нефтекамадан Фәезовлар гаиләсенә акыллы колонка чыккан.

– Акция волонтерлары башта шалтыраткач, ышанмый тордык. Телефоннан иптәшем Артур сөйләште. Ул әйткәч, улларыбыз Дамир белән Амир бик шатланды, – дип хис-тойгылары белән уртаклашты Лүзия.

Чишмә районы Алкино авылыннан Олеся Дубровская гаиләсе дә шундый ук акыллы колонка откан. Ул бүләкне алырга улы Денис белән килгән.

 Чакмагыш районыннан Низаевлар гаиләсенә “Лукошко” челтәре кибетләренә 4 меңлек сертификат чыккан.

– Билетны теркәгәч, улларыбыз “Рәхмәт” сайтын күзәтеп барды. Соңыннан волонтерлар да шалтыратып әйттеләр, – ди Гүзәл ханым.

Бүген тагын бик күпләр үзләренең бүләген алды. Ә югарыда телгә алган бәхетлеләр мондый уенда беренче тапкыр катнашкан.