Сайлау штаблары брифингы

7 сентябрьдә иҗтимагый матбугат үзәгендә Башкортстан Башлыгы вазифасына кандидатларның сайлау штаблары брифингы үтте.  Анда “Новые люди” партиясе төбәк бүлеге Советы секретаре Давлетшин Руслан Рәмзит улы, Республика Башлыгы вазифасына кандидат Радий Хәбировның ышанычлы вәкиле Батыргәрәев Ильяс Айрат улы, КПРФ партиясеннән  Башкортстан Башлыгы вазифасына кандидат Шәйнуров Артур Альберт улы катнашты.

Алар сайлау барышы турында сөйләде. Тәртип бозулар, ризасызлыклар юк. Барысы да тыныч булуын билгеләде алар.

— Махсус хәрби операция безнең тормышка карашны, мөнәсәбәтне үзгәртте. Без чын тормыш кыйммәтләре турында тирәнрәк уйлана башладык. Кешеләр үзләренең җаваплылыгын, аларның тавышы илнең, республиканың язмышын хәл итүдә роль уйнавын аңлады, - диде Артур Шәйнуров.