Сергей Лаврентьев: Пофигистлар азая

“Башкортстан Башлыгын сайлау  – 2024” иҗтимагый матбугат үзәгендә узган брифингта тарих фәннәре кандидаты Сергей Лаврентьев исә явка 70 процент тәшкил итәр дип белдерде. Бу тавыш бирүнең өч көн дәвамында оештырылуы белән бәйле, ди ул.

“Җәмгыять берләште, “пофигистлар” категориясе көннән-көн азая. Тавыш биреп, син властьны гәүдәләндерәсең. Сайлаулар үзе дә кызыклы вакыйга ул, нәтиҗәләр ясала: нәрсәләр эшләнгән, нәрсәләр эшләргә кирәк”, –  дип өстәде Сергей Лаврентьев.