Политологлар һәм экспертлар килде

“Русия Президентын сайлау – 2024” җәмәгать матбугат үзәгендә бүген философия фәннәре кандидаты, доцент Сергей Николаевич Семенов һәм тарих фәннәре кандидаты Сергей Николаевич Лаврентьев журналистлар белән очрашуга килде һәм үзләренең фикерләре белән уртаклашты.

   -Сайлауларга безнең ил халкы бу юлы да бик җитди карый, моны сайлау участокларында сайлаучылардан чиратлар барлыкка килүе ачык күрсәтә,- диде Сергей Семенов. – Ил Президентын сайлау һәрвакыт, башка төр сайлауларга караганда, зуррак кызыксыну тудыра. Анда зур активлык белән катнашып, халкыбыз үзенең илебезнең чын гражданнары булуын тагын да бер тапкыр дәлилли.

   -Мин әле үзем сайларга өлгермәдем, чөнки әле башка эш – башкалада барган сайлауларда күзәтчелек итеп, менә сезгә килдем. Республикада 3 миллион чамасы сайлаучы бар, алар уңайлы шартларда илебез президентын сайлый алсын өчен 3300дән артык сайлау комиссияләре участоклары эшли.