Космоста «Үлемсез полк» үтте!

Бу акцияне кем башлап җибәргән?

Халыкара космик станция экипажы бортында Бөек Ватан сугышы ветераннары портретлары күтәрелде. Шул рәвешле Россия космонавтлары  җиһан киңлекләрендә «Үлемсез полк» акциясен уздырды.

 "Аиф-Тюмень" белдерүенчә, космонавтлар бу тарихи хәрәкәткә нигез салучы, Төмән шәһәрендә яшәүче Геннадий Ивановка сәлам юлладылар. Билгеле булуынча, нәкъ менә шушы шәһәрдә «Үлемсез полк» барлыкка килгән һәм вакыт узу белән масштаблы акциягә әверелгән.