Башкортстан белән Малайзия очрашты

“Халыкара кооперация һәм экспорт” милли проектын гамәлгә ашыру максатында Башкортстан белән Малайзия арасындагы товар әйләнеше 2024 елның гыйнвар-июль айларында 97,3 процентка арткан. Нигездә ул экспорттан тора. Бу турыда Русиянең Малайзиядәге гадәттән тыш һәм тулы вәкаләтле илчесе Наил Латыйповның ислам финанславы турындагы киңәшмәдә катнашканда билгеле булды.

• Санкцияләр басымы шартларында безнең эшкуарлар яңа илләр белән хезмәттәшлек итә, - дип бәян итте Башкортстан Республикасының тышкы икътисади бәйләнешләр һәм конгресс эшчәнлеге буенча министр вазыйфаларын башкаручы Маргарита Болычева. – 2023 ел белән чагыштырганда, 2024 елда Малайзия белән товар әйләнеше 29,2 тапкырга арткан. Нигездә, экспорт исәбенә.

Наил Латыйпов үзара хезмәттәшлекнең төп юнәлешләрен атады – авыл хуҗалыгы, ислам банкингы һәм мәдәният. Очрашу вакытында Башкортстан вәкилләре өчен ислам финансы буенча кыска белем бирү программасы бирү турында да сүз булды. Наил Латыйпов Башкортстан оешмаларына хәләл продукция күргәзмәләрендә катнашырга киңәш бирде.

Чыганак: pravitelstvorb.ru