Уфада "Үлемсез полк" үтте

Бөек Ватан сугышы яугирләренең, тыл хезмәтчәннәренең, блокадникларның һәм хәрби бурычларын үтәгәндә һәлак булган хәрбиләрнең фотосурәтләре белән  200 меңгә якын ватандашыбыз чыккан иде. 

Башкортстан Республикасы Башлыгы Радий Хәбиров картәтисе - фронтовик Барый Латыйп улы Хәбировның портретын “Үлемсез полк” колоннасында күтәреп барды. Барый аганы армиягә 1941 елның августында чакырганнар. Ул 206нчы аерым линияле элемтә батальонының телеграф-төзелеш ротасы составында хезмәт иткән, яраланган, медальләр, шул исәптән "Ленинград оборонасы өчен" медале белән бүләкләнгән.

 – Һәр кешенең үз герое – картәтисе, әтисе бар. Һәм без бу акциядә катнашканда, аларны искә алабыз. Әйтерсең лә, без аларга хәтер һәм рәхмәт сигналлары җибәрәбез - бу үткәннәр белән берләшү мизгеле, – дип ассызыклады Радий Фәрит улы.

"Үлемсез полк" акциясе Уфа шәһәрендә уникенче тапкыр үткәрелде. Йөрештә катнашучылар 6 километр озынлыктагы маршрут буенча үтте. 

Фото: БР Башлыгының рәсми порталы.