Балалар, сезнең эшләрне көтәләр!

Кемнәр оста, әйдәгез, кушылыгыз!

Россия Почтасы Бөек Ватан сугышында Җиңүнең 80 еллыгына һәм Ватанны саклаучылар елына багышланган открытка чыгарачак. Рәсемне Бөтенрусия балалар рәсеме конкурсында катнашучыларның иҗади эшләре арасыннан сайлап алачаклар.

Балалар сурәтләре буенча почта конкурсы тарихи хәтерне саклауга, ил тарихын өйрәнүгә кызыксынуны арттыруга, үсеп килүче буында ватанпәрвәрлек хисе һәм ата-бабалар һәм Ватанны саклаучылар истәлегенә хөрмәт тәрбияләүгә юнәлтелгән.

Почта открыткасы эскизын ясау конкурсында 7 яшьтән 18 яшькә кадәрге балалар һәм яшүсмерләр: гомуми белем бирү учреждениеләре, сәнгать мәктәпләре һәм студияләре, сәнгать мәктәпләре укучылары, шулай ук иҗат көллиятләре һәм училищелар студентлары катнаша ала.

"Конкурс өчен төрле техникаларда: рәсем сәнгате, автор яки компьютер графикасы, коллаж һ.б. нәфис открытканың кызыклы, якты, чагу, истә калырлык эскизын төзергә кирәк. Шул ук вакытта, авторлык осталыгы салынмаган, нейрочелтәрләр һәм башка кушымталар тарафыннан программа алгоритмнары ярдәмендә ясалган сурәтләр кабул ителми», — дип хәбәр иттеләр конкурсны оештыручылар.

“Бөек Ватан сугышында Җиңүнең 80 еллыгына. Ватанны саклаучылар елы” бөтенрусия балалар рәсеме конкурсына 30 апрельгә кадәр гариза бирергә һәм конкурс эшенең электрон вариантын җибәрергә кирәк.

 Конкурс нәтиҗәләре 9 майда игълан ителәчәк.

Фото: Башинформ.