Онытмыйбыз, горурланабыз!

Агымдагы елның 21 июненнән 22енә каршы төндә Бөек Ватан сугышында һәлак булган Ватанны саклаучылар истәлегенә «Хәтер шәме» акциясе узды.

600 шәмне Совет мәйданында Русия Герое Миңнегали Шәйморатов һәйкәле янында һәм 1500 шәмне Русия Федерациясе Герое Максим Серафимов исемендәге "Патриот" Башкортстан Республикасы хәрби-патриотик паркында кабыздылар.

22 июнь-Бөек Ватан сугышы елларында Ватаныбызның азатлыгын һәм бәйсезлеген яклап үз гомерләрен биргән кешеләрне искә алу һәм кайгы көне. 1941 елның 22 июнендә иртән нацист Германиясе сугыш игълан итмичә Советлар Союзына һөҗүм итә. Бөек Ватан сугышы 1418 көн һәм төн дәвам итә һәм 27 миллионнан артык кешенең гомере өзелә.

Акция кысаларында актив яшьләр Бөек Ватан сугышына багышланган шигырьләр укыды. Чараны Башкортстан Республикасы Мәгариф һәм фән министрлыгы оештырды.