Башкортстанда беренчел медицина ярдәмен модернизацияләү программасы нигезендә тиз җыелучы фельдшер-акушерлык пунктлары урнаштыру башланды, дип хәбәр итә төбәк сәламәтлек саклау министрлыгы.
Беренче звеноны модернизацияләү программасы Русия төбәкләрендә 2021 елның 1 гыйнварында башланды. Гомумән алганда, халыкка югары сыйфатлы һәм заманча медицина ярдәме күрсәтү өчен, быел Башкортстанда 44 фельдшер-акушерлык пункты җыеп урнаштыру планлаштырыла.
“Яңа объектлар Краснокама районының Карякино авылында, шулай ук Кырмыскалы районының Суык-Чишмә, Күлеш һәм Утәгән авылларында төзелә башлады. Бүген биредә модульле конструкцияләр җыела”, - дип белдерде министрлыкның матбугат хезмәте.
Әлеге программа ил җитәкчесе Владимир Путинның май указлары белән билгеләнгән “Сәламәтлек саклау” милли проекты кысаларында тормышка ашырыла.
Чыганак: Башинформ
Фото: Сәламәтлек саклау министрлыгы