Җиңү хакын белсен һәр бала

Уфа шәһәренең Затон бистәсендә урнашкан 128 санлы урта мәктәптә Ленин районы буенча җәмәгать хәвефсезлеген саклау идарәсе җитәкчесе Елена Тайгунова балигъ булмаганнар арасында җинаять кылуны профилактикалау максатында Җиңү көненә багышланган чарада катнашты һәм 4 сыйныф укучылары белән бергә “Балалар – сугыш геройлары” исемле видеоролик карадылар. Ул балаларның Бөек Ватан сугышы турындагы белемнәрен үстерү максатында сугыш елларында аларның ничек итеп Җиңүгә үз өлешләрен кертүләре турында сөйләде. Мондый чаралар районның бөтен мәктәпләрендә дә үткәрелә.