Әзерлек башланды

11 апрельдән «Уфа-Арена» стадионы алдындагы мәйданда Бөек Җиңүнең 77 еллыгы уңаеннан хәрби парадның репетицияләре башланды. 

Башкала мэриясенең матбугат хезмәте хәбәр итүенчә, репетицияләр апрель азагына кадәр атна саен, шулай ук 5 һәм 7 майда Октябрь проспектында үткәреләчәк. 

Мондый парадларның беренчесендә 1500 кеше катнашты, алар арасында – Уфа территориаль гарнизонының 20 расчеты, федераль башкарма властенең республика органнары отрядлары, хәрби хәрәкәтләр ветераннары, кадетлар, курсантлар бар.