Самарада “Җиңү җыры” яңгырады

“Безнең Җиңү көне” җыр марафоны Уфа шәһәрендә үтте һәм Самара өлкәсенә китте. Безгә марафонны Удмуртия тапшырган иде.

РФ Президентының Идел буе федераль округындагы тулы вәкаләтле вәкиле карары белән старт алган марафонда Мордовия, Марий-Эл республикалары катнашты һәм чиратлап Идел буе төбәкләренә тапшырылды.

Самара өлкәсенең географик чикләре йөрәккә ошаган. Шуңа да Самарада яңгыраган “Җиңү көне” җыры бөтен йөрәк аша башкарылды.

“Җиңү көне” җыры 25 апрельдән бирле төрле телләрдә яңгырый һәм урындагы, шулай ук федераль телеканалларда һәм радиоларда, социаль челтәрләрдә #песнипобедыПФО #нашденьпобеды хештеглары астында күрсәтелеп бара.

Иҗади коллективларның чыгышлары Русиядә үзизоляция режимы кертелгәнче төшерелде.

Самара өлкәсендә бу җырны легендар П.М.Милославов исемендәге Волжск дәүләт рус халык хоры башкарды. Әлеге вакытта хор уникаль иҗади союз булып тора. Ул югары һөнәри дәрәҗәдә Идел буе халыкларының җыр мирасын күрсәтә. “65 ел хезмәт дәверендә бу коллектив патриотик тәрбиягә һәм бөек илебезнең мәдәни мирасын саклауга зур игътибар бирде”, - ди коллективның башкарма директоры Виталий Натаров.

Самара өлкәсе эстафетаны Татарстанга тапшыра. Самаралылар якташларына кечкенә мөрәҗәгать тә әзерләгән. Анда сугыш елларында Куйбышев өлкәсеннән фронтка 500 меңгә якын яугир китә. Калганнары тылда авыр хезмәтне үз иңнәрендә күтәреп фронтка ярдәм итә. Сугыштан һәр икенче кеше кире әйләнеп кайтмый. Куйбышев шәһәре “запас башкала” исемен ала, аны бөтен дөнья белә һәм сөйли. Монда легендар Ил-2 һәм Сталинның бункерын төзиләр.

Нәкъ Куйбышевта Шостакович үзенең Җиденче симфониясен язып бетерә һәм премьерасын монда куя. Куйбышевтан Юрий Левитан бөтен дөньяга совет информбюросының яңалыкларын хәбәр итә. 1941 елның 7 ноябрендәге хәрби парад хәрби вакытның иң чагу дөньяви вакыйгасына әверелә.