Җиңүнең 75 еллыгы уңаеннан яңа аллея барлыкка килде

Акциянең беренче этабы 18 апрельдә башкаланың Орджоникидзе районында башланды. Уфаның Кольцевая урамында 70 агач - юкә һәм миләш утыртылды. Яңа аллеяның билгеләнеше илнең барлык кешеләре өчен мөһим датага - Бөек Ватан сугышында җиңүнең 75 еллыгына багышланган.

Хәзерге эпидемиологик вәзгыять аркасында Уфа халкы акциядә катнаша алмады. Аллеяне утыртуда “Орджоникидзе районын төзекләндерү хезмәте” эшчеләре катнашты.

Башкала мэриясе хәбәр итүенчә, Уфада “Яшел Башкортстан” экологик кампаниясе дәвам итәчәк. Аның кысаларында тематик аллеялар барлыкка киләчәк. Яңа аллеяләрдә юкә, каен, миләш һәм башка төр агачлар утырту планлаштырыла. Элеге акция республиканың барлык торак пунктларында узачак дип хәбәр ителгән иде. Әмма билгеле сәбәпләр буенча республика халкы бу акциядә катнаша алмый. Гомумән алганда, 85 мең зур агач һәм 48 мең куак утырту каралган.