Демографиядә тискәре күренешләрне ничек үзгәртергә?

Уфаның «Торатау» конгресс-холлында «Демография: XXI гасырның заман таләпләре һәм чынбарлыклары» темасына түгәрәк өстәл утырышы үтте. Ул Башкортстан Республикасының VIII Гражданнар форумының киң программасының бер өлеше булды. Чара үзенә илнең 19 төбәгеннән 700-дән артык катнашучыны җыйды. Түгәрәк өстәл артында властьтан һәм социаль блоктан алып малтабарлык һәм икътисадның реаль секторына кадәр барлык тармак вәкилләре очрашты.

Кызу бәхәс барышында катнашучылар өч төп мәсьәләне күтәрде: ничек итеп туучылар саны кимүен җиңәргә, милләтнең репродуктив сәламәтлеген саклап калырга һәм балалы гаиләләргә комплекслы ярдәм оештырырга. Яшь ата-аналар өчен уңайлы мохит булдыруда эш бирүчеләрнең роленә һәм яшьләр арасында мәгърифәтчелек эшенең әһәмиятенә аерым игътибар бүленде.

Башкортстанда демографик сәясәтне камилләштерүгә юнәлдерелгән конкрет инициативалар эшләү - түгәрәк өстәл артында киңәш коруның нәтиҗәсе булды. Экспертлар билгеләвенчә, тискәре тенденцияләрне бары тик хакимиятнең барлык дәрәҗәләрендәге һәм институтларның - федераль үзәктән алып конкрет гаиләгә кадәр - көчләрне берләштерү шарты белән генә җиңеп чыгарга мөмкин. Моның өчен медицина, мәгариф, социаль яклау, малтабарлык һәм гражданлык җәмгыяте институтларын берләштерүче системалы ведомствоара эш кирәк.

Исегезгә төшерәбез, бүген, 27 августта, Уфада Башкортстан Республикасының VIII Гражданнар форумы уза. Ул - хакимият органнары, иҗтимагый институтлар, коммерцияле булмаган секторлар һәм гражданлык активистлары диалогы өчен төп мәйданчык. Форумда 36 дискуссия, белем, консультация һәм күргәзмә мәйданчыклары, 150-дән артык спикер эшли.

 

Чыганак: resbash.ru