“Яшма җаны”

13-15 августта «Урал аръягы-2026 " VIII Бөтенрусия инвестицион Сабантуе кысаларында Сибайда «Яшма җаны» халык-сәнгать һөнәрләренең беренче Халыкара фестивале узачак.

   Фестиваль Башкортстаннан, Русия төбәкләреннән һәм чит илләрдән килгән осталарны, дизайнерларны һәм креатив индустрия вәкилләрен берләштерәчәк һәм Сибайны Бөтендөнья һөнәрчелек шәһәре буларак үстерү эшенең бер өлеше булачак.

   Эшлекле программаның төп вакыйгасы мәдәни мирасны саклауга, һөнәрчелекне үстерүгә һәм халыкара хезмәттәшлеккә багышланган. «Чикләрсез Һөнәрчелек дипломатиясе һәм традицияләр: халыкара диалог коралы буларак иҗат» дип аталган түгәрәк өстәл булачак.

   Программаның якты дәвамы булып Башкортстан, Үзбәкстан, Абхазия, Көньяк Африка һәм Алтай Республикасы дизайнерлары катнашында Мода күрсәтү торачак.  Шулай ук фестиваль кунакларын халык һөнәрләре эшләнмәләре күргәзмә-ярминкәсе, мастер-класслар һәм фольклор коллективлары чыгышлары көтә.

Фото: pravitelstvorb.ru