ҖӘЙ ӨЧЕН ЙОТЛЫГЫП УКЫЛА ТОРГАН 15 КИТАП

Башлангыч мәктәп

1. «Анька, выходи!», Юлия Весова

Авылдагы җәйге каникуллар, дуслык һәм гомер буе истә кала торган маҗаралар турында җылы тарих. Анька белән бергә төп герой һәр көнне үзе өчен яңа нәрсә ача һәм бер дә күңелсезләнергә өлгерми.

2. «Приключения Ёженьки и других нарисованных человечков», Александр Шаров

Тылсымлы карандашлар белән ясалган Ёженька исемле кызчык җанлана һәм куркыныч маҗараларга юл тота. Бу — дуслык, батырлык һәм могҗизалар турында җиңел укыла торган игелекле әкият. Эре шрифт һәм динамик сюжет укуны тагын да рәхәтрәк итә.

3. «Уно», Ромен Пюжоль

Куллары, аяклары, хәтта гәүдәсе дә сузыла торган бик үзенчәлекле җан иясе турында комикс. Ул хәтта һава шарына да әверелә ала!

4. «Марфа из Сосновки», Нина Павлова

Агриппина Витаминовна янында Марфа исемле дуңгыз баласы пәйда булгач, аның гадәти тормышы бөтенләй үзгәрә. Бу — иң төрле холыклы геройлар арасында да дуслык һәм кайгырту туа алу турында тарих.

5. «Тайна изумрудных лодочек», Юлия Кузнецова

Вакыйгалар җәй көне Мәскәү елгасы буенда бара. Уйлап табучы енот Борис һәм тавык Клара тикшерү алып баралар, юл уңаенда көлкеле сүзләр уйлап чыгаралар. Бу сүзләр рус теленең никадәр үзенчәлекле һәм сыгылмалы булуын күрсәтә.

Урта мәктәп

6. «Пумс! Ваш заказ уже колдуется!», Валентина Дёгтева

Тылсымлы супермаркет турында китап. Анда гаҗәеп кассирлар һәм курьерлар эшли: алар арасында принцесса да, бермөгезле ат та бар. Аларны үзләре кебек үк сәер һәм мавыктыргыч сынаулар көтә.

7. «Таинственные места России. Алтай. Байкал. Урал», Надежда Бегичев

Россиянең серле урыннары — Алтай, Байкал һәм Урал турында китап. Мондый әсәрдән соң укучының бу урыннарны үзе барып күрәсе килүе бик мөмкин.

8. «Гуси-лебеди», Тая Ларина

Аня, Варя һәм Кирилл төрле нәрсәләр турында хыяллана, әмма аларның тормышы бер үк вакытта үзгәрә. Моңа урманнан чыккан алмаштырылган балалар һәм серле трикстер Керемет сәбәпче була.

9. «Саквояжники во Франции», Марина Тараненко

Бу китап ярдәмендә визасыз гына Франциягә барып кайтырга һәм эшлекле, тапкыр балалар белән Лувр буйлап йөрергә мөмкин.

10. «Охотники за сокровищами», Джеймс Паттерсон

Бу — маҗаралы китаплар сериясе. Геройларның бер тарихында алар мәкерле пиратлар урлаган әниләрен коткарырга тырыша.

Югары сыйныфлар

11. «Приключения экспоната», Екатерина Соболь

Паша һәрвакыт барысын да дөрес эшләргә күнеккән һәм әтисен күңелсезләндерүдән бик курка. Әмма әтисе кинәт югалгач, малайга тәртипсез сыйныфташы белән бергә бөтен Россия аша куркыныч сәяхәткә чыгарга туры килә.

12. «Ошибка в коде», Татьяна Моркина

Сирәк очрый торган авыру аркасында 14 яшьлек Леон күп вакытын хастаханәдә үткәрә. Әмма шунда да ул дуслашырга, яратырга һәм иң гади нәрсәләрдә дә матурлык табарга өйрәнә.

13. «Школа шпионов», Стюарт Гиббс

Бен күптән хыялланган яшерен шымчылар мәктәбенә эләгә. Тик тиздән аны анда укыту өчен түгел, ә куркыныч җинаятьчене тоту өчен җим итеп кулланырга алулары ачыклана.

14. «Братство рыбьего хвоста», Николай Назаркин

Янтье исемле малай турында тарихи повесть. Вакыйгалар XVII гасырда, хәзерге Нидерландлар территориясендә бара. Китап җиңел укыла, ә автор тарихи чыганаклар белән яхшы эшләгән: шуңа күрә чор рухы һәм мәгънәләре бик яхшы сизелә.

15. «Брауни с секретом», Юлия Кузнецова

Ира тәмле ризыклар пешерергә ярата, әмма якыннары аның бу мавыгуын җитди кабул итми. Барысына да ярарга тырышып, ул хата ясый. Бу хәл һәркемне кешене ничек бар, шулай кабул итүнең мөһимлеге турында уйланырга мәҗбүр итә.

Чыганак: «Ялкын».