Ясалма акылны – ярдәмгә!

Уфада узган V медиафорумда Башкортстан ММЧ журналистикада ясалма интеллект куллану мәсьәләләре турында фикер алыштылар. Секциянең модераторы булып «Башинформ» мәгълүмат агентлыгы баш мөхәррире урынбасары Станислав Шахов чыгыш ясады.

   Соңгы вакытта гадәттән тыш актуаль тема аудиториядә зур кызыксыну уятты, секциягә 200дән артык журналист һәм СММ-белгеч җыелды. Спикерлар гамәли күнекмәләре һәм эшләнмәләре белән уртаклаштылар, видеопрезентацияләр күрсәттеләр.

   Русия Журналистлар берлеге секретаре Роман Серебряный төрле нейрочелтәрләр һәм аларның мөмкинлекләре турында экскурсия ясады, ЯА заманча медиаларны ничек үзгәртүе турындагы фикерләре белән уртаклашты. «Диалог» АНО эксперты Радик Гәрәев МАХ мессенджеры эше турында сөйләде. E7E-media видеопродакшен студиясе хуҗасы Батыр Галимов нейрочелтәрләрнең фото һәм видеоконтент булдыруда мөмкинлекләрен күрсәтте, шул исәптән милли колорит белән.

Фото: Башинформ.