Бу җиңел бурыч түгел...

Бүген Башкортстан массакүләм мәгълүмат чараларының бишенче медиафорумының пленар утырышында Радий Хәбиров массакүләм мәгълүмат чаралары җитәкчеләре һәм журналистларының сорауларына да җавап бирде.

   Төбәк башлыгы фикеренчә, әгәр ММЧ редакцияләре үз көчләрен акча эшләүгә генә юнәлтсә, һичшиксез контент зыян күрәчәк. Редакцияләргә аудиторияне арттыра торган һәм шуңа бәйле рәвештә реклама бирүчеләр килә торган криминаль яңалыкларны күбрәк куярга туры киләчәк.

   "Башкортстанның массакүләм мәгълүмат чараларының төп бурычы – дәүләт сәясәте һәм мәгълүмати хәвефсезлек бурычларын алга җибәрү. Республикада ниләр барганы турында халыкка дөрес, тыныч һәм, иң мөһиме, оста мәгълүмат җиткерү. Бу җиңел бурыч түгел. Мин ГосСМИ эшенең мөһимлеген аңлыйм, дөрес мәгълүматны бәялим һәм аларның иҗади коллективларына хезмәтләре өчен рәхмәт белдерәм. Махсус хәрби операция тәмамлангач һәм безнең ресурслар азат ителгәч, без финансларны аз хезмәт хакы алучы өлкәләрдә хезмәт хакы дәрәҗәсен күтәрергә юнәлтәчәкбез, шул исәптән безнең массакүләм мәгълүмат чаралары өлкәсенә дә", - диде Радий Хәбиров.

Фото: bashinform.ru

==