Айдар Галимов якын кешесен соңгы юлга озатты

Кайгылы хәбәре турында Айдар Галимов социаль челтәрләрдә болай дип язган:

"Хуш, әти... Син көчле һәм мәрхәмәтле булдың... Үзең дә күрмәгән әти тәрбиясен безгә җиткерергә тырыштың. Рәхмәт сиңа, барсы өчен дә. Бик яраттык, яратабыз һәм беркайчан да онытмаячакбыз. Урыннарың оҗмах түрләрендә булсын".

Узган елның апрель аенда артистның әнисе Бибинур Галимова да вафат булган иде.

«Өмет» редакциясе Айдар Галимовның һәм аның якыннарының тирән кайгысын уртаклаша.