Бәйрәм белән! Тынычлык булсын!

27 майда Уфада Башкортстан Башлыгы Радий Хәбиров "Ләлә-Тюльпан” мәчетендә булды. Республиканың барлык мәчетләрендәге кебек үк, биредә дә Корбан бәйрәме уңаеннан бәйрәм вәгазе үткәрелде. Хезмәтне Баш мөфти, Русия мөселманнарының Үзәк Диния нәзарәте рәисе Тәлгать Таҗетдин үткәрде.

Республика җитәкчесе мөселманнарны бәйрәм белән котлады, коллектив намазда катнашты һәм мәхәллә кешеләре белән аралашты.

   Хөрмәтле Баш мөфти Тәлгать хәзрәт! Хөрмәтле дуслар!

   Чын күңелдән изге Корбан бәйрәме белән котлыйм. Бу көнне без Аллаһы Тәгаләгә гаиләләребез һәм туганнарыбыз иминлеге өчен догаларыбызны укыйбыз, якыннарыбызга ярдәм итәбез.

   Ил өчен катлаулы бу заманнарда безнең догаларыбыз сугышчыларга исән-сау кайтсыннар дип әйтелә. Һәм, әлбәттә, Без аларга һәрвакыт ярдәм итәчәкбез.

   Республикабыз тормышында, аның күпмилләтле татулыгында безнең рухи лидерларыбыз зур роль уйный. Барыннан да элек, әлбәттә, кадерле һәм хөрмәтле Югары мөфти Тәлгать хәзрәтнең республиканың иҗтимагый-сәяси, рухи тормышында нинди зур роль уйнавын бәяләмичә һәм әйтмичә мөмкин түгел. Шуңа күрә без, әлбәттә, сезнең сәламәтлек һәм озын гомер өчен дога кылабыз.

   Барыгызга да иминлек һәм татулык телим. Өйләребездә тынычлык булсын, илебездә тынычлык булсын. Бәйрәм менән!,- диде Радий Хәбиров үз чыгышында.